فرمان الہی
نماز کے اوقات
کراچی (عبدالماجد بھٹی ) ٹیسٹ ٹیم کےنائب کپتان سعود شکیل2023 میں ورلڈ کپ کھیلنے بھارت گئے تھے لیکن پھر ون ڈے پلان سے باہر ہوگئے ۔ذمے دار ذرائع کے مطابق کوئٹہ گلیڈی ایٹرز نے انہیں کپتان بنانے کا فیصلہ کیا ہے، وہاوپننگ کریں گے۔ انتظامیہ اب سعودشکیل اور معین خان کے کمبی نیشن کے ساتھ2025کا سیزن کھیلنا چاہتی ہے۔ گذشتہ سال کے تلخ تجربے کے بعد گلیڈی ایٹرز نے شین واٹسن کا معاہدہ ایک سال پہلے ختم کردیا۔ ذرائع کے مطابق معین خان ہیڈ کوچ ہوں گے ، سرفراز احمد کو ڈائریکٹر کرکٹ کی ذمے داری دینے کا امکان ہے۔ سرفراز اس وقت چیمپئنز کپ کے مینٹور ہیں لیکن پی ایس ایل کی فرنچائز کے لئے کام کرسکتے ہیں۔ اس دوران انہیں پی سی بی کی تنخواہ نہیں ملے گی۔
