فرمان الہی
نماز کے اوقات
کراچی(اسٹاف رپورٹر)شیعہ علماء کونسل پاکستان کے مرکزی سیکرٹری جنرل علامہ شبیر حسن میثمی نے کہاہے کہ شہر کراچی میں بچوں کے اغوا کی وارداتوں نے شہریوں کو بالخصوص والدین کو خوف وہراس میں مبتلا کر دیا ہے روزانہ کی بنیاد پر شہر کراچی کے مختلف علاقوں سے بچوں کے اغوا کی خبریں اب بڑھتی چلی جا رہی ہیں کون سے عوامل اور کون سا مافیا اس کام کے پیچھے ملوث ہے ابھی تک شہری اس بات سے بے خبر ہیں، حکومت اور قانون نافذ کرنے والے اداروں کی ذمہ داری بنتی ہے کہ وہ اس کام میں ملوث گروہوں کو گرفتار کر کے منظر عام پر لائیں اور بچوں کے اغوا میں ملوث جو بھی عناصر ہیں ان کو سزا دی جائے، حکومت اور قانون نافذ کرنے والے اداروں سے یہ مطالبہ کرتے ہیں کہ جلد از جلد کراچی سے اغوا ہونے والے بچوں کو بازیاب کروایا جائے ، کراچی جو کبھی روشنیوں کا شہر ہوا کرتا تھا آج اس کے لوگ مختلف پریشانیوں کا سامنا کرتے ہوئے ذہنی اذیت کا شکار بنے ہوئے ہیں ۔
