• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

گاڑی، 18 موٹرسائیکل چوری، 4 چھین لئے گئے، گن پوائنٹ پر لوٹنے کی متعدد وارداتیں

میرا شہر
اسلام آباد
29 جنوری ، 2025
راولپنڈی، اسلام آباد (سٹاف رپورٹر، خصوصی نامہ نگار)راولپنڈی کے مختلف علاقوں میں وارداتوں میں شہری16موٹرسائیکلوں ،ایک رکشے ،موبائل فونز، نقدی ،طلائی زیورات اور دیگر اشیاء سے محروم ہوگئے۔ اسلام آباد میں بھی 16 وارداتوں میں لاکھوں کی نقدی ،زیورات اور دیگر قیمتی اشیاء کے علاوہ ایک کار اور 6 موٹر سائیکل اڑا لئے گئے ۔ مختلف علاقوں سے 7 قیمتی موبائل فون اور لاکھوں کی نقدی اسلحہ کی نوک پر چھین لی گئی ، تھانہ سبزی منڈی اور تھانہ کھنہ کے علاقوں میں2گھروں کے تالے ٹوٹ گئے۔ راولپنڈ ی کے مختلف علاقوں میں بھی گن پوائنٹ پر شہریوں سے 9 موبائل، نقدی اور چار موٹرسائیکل چھین لئے گئے۔ سکول روڈ پر شازیہ نورین کے گھر سے 70 ہزار روپے اورسونا مالیتی 4لاکھ روپے، نیازی ٹاؤن میں مفتی عبدالرشید کے گھر کے تالے توڑ کر 20لاکھ روپے ، سونا مالیتی پونے چار لاکھ روپے اورڈائمنڈ گھڑی مالیتی ایک لاکھ 20ہزارروپے ،بحریہ ٹاؤن میں صباء مہرین کے رہائشی کمرہ کی کھڑکی کی گرل توڑ کر 5لاکھ روپے ،طلائی زیورات وزنی اڑھائی تولہ اور ایک لائسنسی گن چوری کرلی گئی ۔
اسلام آباد سے مزید