• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نوجوان کے عشق میں پاکستان پہنچنے والی امریکی خاتون کراچی کی سڑکوں پر دن بھر گھومتی رہی

آج کا اخبار
اہم خبریں
31 جنوری ، 2025
کراچی(اسٹاف رپورٹر)سات سمندر پار سے نوجوان کے عشق میں پاکستان پہنچنے والی امریکی خاتون کراچی کی سڑکوں پر دن بھر گھومتی رہی۔ گیسٹ ہاؤس کی بکنگ موخر ہونے پر ٹیپو سلطان پولیس نے حفاظتی تحویل میں لیکر چھیپاریسٹ ہاؤس منتقل کردیا۔ تفصیلات کے مطابق گزشتہ دو روز سے میڈیا کی زینت بننے والی امریکی خاتون اونیجا اینڈریو ررابنسن جمعرات کو کراچی کی سڑکوں پر گھومتے پھرتے نظر آئیں۔پہلے گارڈن سے نکلتے ہوئے انہوں نے دل کا نشان بنایا۔ وہ شارع فیصل نرسری پر پہنچیں۔ ہاتھ میں چادر اور پرس پکڑے شارع فیصل پر چہل قدمی کی۔کولڈ ڈرنک خرید کر پی جبکہ اس سے قبل گارڈن میں سگریٹ خرید کر پی ۔شام کے وقت ٹیپو سلطان ٹھانے کے قریب امریکی خاتون آن لائن ٹیکسی کروا کر ٹیپو سلطان تھانے کے قریب پہنچیں ، مکینوں نے پولیس کو اطلاع دی۔ پولیس کے پہنچنے پر معلوم ہوا کہ خاتون نے گیسٹ ہاؤس میں بکنگ کرائی تھی جسے صورتحال دیکھتے ہوئے گیسٹ ہاؤس عملے نے موخر کردیا۔
اہم خبریں سے مزید