• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی، پیپلز بس سروس کے کرایوں میں 20 سے 60 فیصد تک اضافہ

کراچی (این این آئی)کراچی میں پیپلزبس سروس کے کرایوں میں اضافہ کردیا گیا، مختلف روٹس پر کرائے20سے60فیصد تک بڑھائے گئے ہیں۔ میڈیا رپورٹ کے مطابق کراچی کے شہریوں نے یکمشت30روپے کرایہ بڑھانے کو ظلم قرار دیتے ہوئے پرانے کرائے برقرار رکھنے کا مطالبہ کیا ہے۔واضح رہے کہ سندھ کابینہ نے مئی 2024 میں پیپلز بس سروس کا کرایہ 50 روپے برقرار رکھتے ہوئے عوام کے لیے کرائے کی مد میں 29 کروڑ روپے مالیت سبسڈی کی رقم جاری کرنے کی منظور دی تھی۔وزیر اعلیٰ سندھ مراد علی شاہ کی زیرصدارت اجلاس کو محکمہ ٹرانسپورٹ کی جانب سے بتایا گیا کہ پیپلز بس سروس کے لیے نگران حکومت کے دوران 50 روپے کرایہ برقرار رکھا گیا تھا اور یہی کرایہ جنوری تا جون 2024 تک مقرر کیا گیا تھا۔بسوں کا کرایہ 50 روپے مقرر کرنے کے لیے 57 کروڑ 97 لاکھ 56ہزار روپے 6 ماہ کی سبسڈی کے طور پر منظور کیے گئے تھے، جس میں سے 28 کروڑ 98 لاکھ 78 ہزار روپے جاری ہو چکے ہیں۔کابینہ نے بس کا کرایہ 50 روپے برقرار رکھتے ہوئے باقی 28 کروڑ 98 لاکھ 78 ہزار روپے جاری کرنے کی ہدایت کردی تھی۔
اہم خبریں سے مزید