• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بلوچستان کو کراچی سے ملانے والے حب پل کی تعمیر مکمل کرلی گئی

آج کا اخبار
اہم خبریں
08 فروری ، 2025
کوئٹہ (آئی ا ین پی )بلوچستان کو کراچی سے ملانے والے حب ندی کے پل کی تعمیر مکمل کرلی گئی۔2002کے سیلاب میں تباہ ہونے والا حب پل دوبارہ تعمیر کر کے عوام کے لیے کھول دیا گیا ہے ۔ نیشنل لاجسٹکس کارپوریشن نے دریائے حب پر پل کی تعمیر مکمل کر کے اہم سفری راستہ بحال کر دیا، بلوچستان اور سندھ کے درمیان ترقی کا نیا سنگ میل ثابت ہوگا۔ پل کی بحالی سے بلوچستان اور سندھ کے درمیان سفر مزید آسان اور تیز تر ہوگیا۔پل کی تعمیر سے این 25پر ٹریفک کے بہائو میں نمایاں بہتری آئی ہے اور سفری مشکلات کم ہوئی، 488 فٹ لمبا اور دو لین پر مشتمل حب پل اقتصادی ترقی اور تجارتی سرگرمیوں کے فروغ میں معاون ثابت ہوگا، پل کی بدولت مسافروں اور تجارتی سامان کی بلا تعطل نقل و حرکت ممکن ہوگئی۔
اہم خبریں سے مزید