• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان میں طلاق اور خلع کی شرح میں تشویشناک حد تک اضافہ

آج کا اخبار
اہم خبریں
10 فروری ، 2025
کراچی(نیو زایجنسیز)پاکستان میں طلاق اور خلع کی شرح میں تشویشناک حد تک اضافہ ہوگیا ہے ، کراچی کی فیملی کورٹس میں گزشتہ سال ازدواجی رشتہ ختم کرکے کے11ہزار کیسز دائر کئے گئے ۔ تفصیلات کے مطابق ملک میں گزشتہ 5سالوں میں طلاق اور خلع کی شرح میں تشویشناک حد تک اضافہ ہو گیا ۔ ایک رپورٹ کے مطابق پاکستان میں طلاق اور خلع کی شرح میں پچھلے پانچ سالوں میں 35 فیصد اضافہ ہوا ہے جبکہ ملک کے سب سے بڑے شہر کراچی میں پچھلے چار سالوں میں خلع کے مقدمات کی تعداد دوگنی ہوگئی ہے۔اس حوالے سے ادارہ شماریات کے جاری اعداد وشمار کے مطابق ملک میں طلاق یافتہ خواتین کی تعداد 4 لاکھ 99 ہزار ریکارڈ کی گئی۔کراچی میں سال 2020میں کراچی کی فیملی کورٹس میں ازدواجی رشتہ ختم کرنے کے 5 ہزار 8 سو کیسز دائر ہوئے جبکہ 2024میں 11ہزار سے تجاوز کر گئی ہے۔ماہرین کا کہنا ہے خلع اور طلاق کمزور خاندانی نظام کی عکاسی کرتی ہے۔دوسری جانب گیلپ پاکستان کی جانب سے سروے میں حصہ لینے والے ہر پانچ میں سے دو افراد کا خیال ہے کہ غیر ضروری خواہشات اور عدم برداشت طلاق اور خلع کے معاملات میں اضافے کا سبب بن رہا ہے۔
اہم خبریں سے مزید