• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جناح ایونیو انٹر چینج پراجیکٹ 18فروری تک مکمل کرنے کی ڈیڈ لائن

میرا شہر
اسلام آباد
12 فروری ، 2025
اسلام آباد(نمائندہ خصوصی) وفاقی وزیرداخلہ محسن نقوی نے اسلام آباد کے ایف ایٹ جناح ایونیو انٹرچینج پراجیکٹ کا دورہ کیا اور زیر تعمیر فلائی اوور کے فنشنگ ورک کا معائنہ کیا۔ وزیر داخلہ محسن نقوی نے منصوبے کی تکمیل کیلئے 18 فروری تک 100 فیصد مکمل کرنے کی ڈیڈ لائن دی ہے۔ وزیرداخلہ نے کہا کہ منصوبے کے تمام کام، خاص طور پر رابطہ سڑکوں اور ہارٹیکلچر کو جلد مکمل کیا جائے۔ پراجیکٹ پر کام کرنے والے مزدوروں نے وزیر داخلہ کو بتایا کہ وہ دن رات منصوبے پر کام کر رہے ہیں۔ محسن نقوی نے ان کی محنت کو سراہتے ہوئے انہیں مزید محنت سے کام کرنے کی تلقین کی۔ وزیرداخلہ نے پراجیکٹ کے اطراف ملبے کو فوری طور پر ہٹانے کا حکم دیتے ہوئے کہا کہ منصوبے کے بیوٹیفیکشن ورک میں کوتاہی برداشت نہیں کی جائیگی ۔ انہوں نے فلائی اوور کے نیچے رابطہ سڑکوں پر کام تیز کرنے کی ہدایت بھی دی۔ اس موقع پر وفاقی سیکرٹری داخلہ خرم علی آغا، چئیرمین سی ڈی اے محمد علی رندھاوا، آئی جی اسلام آباد پولیس علی ناصر رضوی، ڈپٹی کمشنر اسلام آباد عرفان میمن، کنٹریکٹر اور متعلقہ حکام بھی موجود تھے۔ پراجیکٹ ڈائریکٹر نے وزیرداخلہ کو منصوبے کی پیش رفت کے بارے میں بریفنگ دی۔
اسلام آباد سے مزید