فرمان الہی
نماز کے اوقات
راولپنڈی(مانیٹرنگ ڈیسک)بانی پی ٹی آئی سے وزیراعلیٰ خیبرپختونخوا علی امین گنڈاپور کی دوگھنٹے ملاقات ہوئی،شیرافضل سمیت دیگر امور پر گفتگو، ملاقات اڈیالہ جیل کے کانفرنس روم میں کرائی گئی، گنڈا پور نے صوبائی معاملات پر بریف کیا،بانی پی ٹی آئی نے انہیں صوبائی تنظیم کے ساتھ مکمل تعاون کی ہدایت کر دی۔ذرائع کے مطابق ملاقات میں پارٹی امور اور سیاسی صورت حال پر تبادلہ خیال کیا گیا، علی امین گنڈا پور نے بانی پی ٹی آئی کو صوبائی معاملات پر بریف کیا۔بانی پی ٹی آئی نے علی امین گنڈا پور کو صوبائی تنظیم کے ساتھ مکمل تعاون کی ہدایت کر دی، ملاقات میں شیر افضل مروت کو پارٹی سے نکالنے کا معاملہ بھی زیر بحث آیا۔ پی ٹی آئی نے صوبے میں کرپشن کے خاتمے کیلئے خصوصی ہدایات جاری کر دیں۔ جیل کے گیٹ نمبر 5 پر تحریک انصاف کے رہنماؤں کو دیکھ کر علی امین گنڈاپور گاڑی سے اتر آئے، سب سے ہاتھ ملایا، ان سے ملاقات کی۔اس موقع پر مختصر گفتگو کرتے ہوئے علی امین گنڈا پور نے کہا کہ ملاقات اچھی رہی، انہوں نے میڈیا سے بات کرنے سے معذرت کر لی۔
