• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نیب اور تعلیمی و طبی اداروں میں 6معاہدوں پر دستخط

میرا شہر
اسلام آباد
21 فروری ، 2025
اسلام آباد (نمائندہ خصوصی )قومی احتساب بیورو( نیب) اور نجی شعبے کے مختلف تعلیمی و طبی اداروں کے مابین مفاہمت کے 6معاہدوں پر جمعرات کو نیب ہیڈکوارٹراسلام آباد میں دستخط کئے گئے۔ معاہدوں کا مقصد باہمی تعاون سے کارکردگی اور خدمات کا معیار بہتر بنا نے اور نیب کے ملازمین کے لئے سہولیات اور آسانیاں پیدا کرنا ہے۔قائم مقام چیئرمین نیب سہیل ناصر، پراسیکیوٹر جنرل اکاونٹیبلیٹی سیداحتشام قادر شاہ، ڈائریکٹر جنرل نیب ہیڈ کوارٹر فرمان اللہ ،چیئرمین نیب کے مشیر ظفر اقبال کی موجودگی میں محمد عمران بٹ اور انٹرنیشنل ہسپتال کے سی ای او شعیب احمد خان،میڈیکل سینٹر کے سی ای او ڈاکٹر بلال ارشد بٹ، ڈائگنوسٹکس کے سی ای او زبیر ناصر، ڈینٹل کے چیف ڈینٹل سرجن ڈاکٹر عامر کیو خواجہ اورڈاکٹر انعم جاوید چیمہ ،کیمسٹ کے سی ای او ظفر بختاوری کی طرف سے مفاہمت کے سمجھوتے پر دستخط کئے گئے۔ سہیل ناصر نے اس موقع کہا معاہدے سےملازمین کو تعلیمی و طبی سہولیات کے ساتھ دیگر ضروریات زندگی کے حصول میں ریلیف حاصل ہوگا، سہولت سے نیب کے ریٹائرڈ ملازمین اور انکے اہل خانہ بھی مستفید ہوں گے۔
اسلام آباد سے مزید