فرمان الہی
نماز کے اوقات
کراچی (اسٹاف رپورٹر) بھارتی کرکٹ ٹیم ٹاس ہار کر میچ جیت رہی ہے۔ آئی سی سی چیمپئنز ٹرافی کے پانچویں میچ میں بھارتی کرکٹ ٹیم نے لگاتار 12 مرتبہ ٹاس ہارنے کا ریکارڈ قائم کردیا اس سے قبل یہ ریکارڈ 11 ٹاس کے ساتھ نیدرلینڈ کی ٹیم کے پاس تھا ۔ بھارتی کرکٹ ٹیم آئی سی سی چیمپنئز ٹرافی 2025 میں پاکستان کے خلاف اپنا دوسرا میچ کھیل رہی تھی، اس سے قبل بنگلہ دیش کے خلاف بھارت نے 6 وکٹوں سے فتح حاصل کی تھی، تاہم ایونٹ کے دونوں میچز میں بھارتی ٹیم نے ٹاس ہارا اور اس کے ساتھ ہی لگاتار سب سے زیادہ مرتبہ ٹاس ہارنے کا ریکارڈ بھارت کے نام ہوگیا۔ بھارتی ٹیم کے ٹاس ہارنے کا سلسلہ ورلڈکپ 2023 سے شروع ہوا تھا، جب روہت شرما فائنل میں آسٹریلیا سے ٹاس ہارے تھے، اس کے بعد جنوبی افریقاکے خلاف 3 روزہ سیریز میں کے ایل راہول کپتان تھے، اس میں وہ تینوں میچز میں لگاتار ٹاس ہارے تھے۔ سری لنکا میں سیریز کے دوران بھارتی ٹیم کے کپتان روہت شرما لگاتار 3 مرتبہ ٹاس ہارے، اس کے بعد بھارت میں کھیلی جانیوالی سیریز میں انگلینڈ کے خلاف بھی روہت شرما لگاتار 3 میچز میں ٹاس ہارے تھے۔
