فرمان الہی
نماز کے اوقات
کراچی(نیوز ڈیسک )سلسلہ عظیمیہ کے مرشد ، ماہنامہ روحانی ڈائجسٹ اور قلندر شعور کے بانی خواجہ شمس الدین عظیمی رحمتہ ﷲ علیہ کی فاتحہ سوئم عظیمیہ جامع مسجد سرجانی ٹاون میں ہوئی،کراچی اور ملک کےدیگر شہروں اور کئی ممالک سے آنے والے سیکڑوں افراد نے قرآن خوانی کی اور درود شریف کا ورد کیا ۔اس موقع پر سلسلہ عظیمیہ کے سینیئر اراکین نیاز احمد ، قاضی مقصود ، صاحب زادہ سلام عارف نے حضرت خواجہ شمس الدین عظیمی ؒ کے جانشین ڈاکٹر وقار یوسف عظیمی کی دستار پوشی کی ۔سلسلہ عظیمیہ کے امام حضرت محمد عظیم برخیا ء ؒ کے صاحب زادے روف احمد نے ڈاکٹر وقار یوسف عظیمی کے حق میں دعا کروائی ۔دستار بندی کے بعد ایک مختصر خطاب میں ڈاکٹر وقار یوسف عظیمی نے اپنے والد خواجہ شمس الدین عظیمی ؒ کے شروع کئے ہوئے کام مکمل کرنے اور سلسلہ عظیمیہ کے مشن کی دل و جان سے خدمت کا عزم کیا۔
