• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

برطانیہ، اٹلی، سعودیہ سمیت 16 ممالک جاتے مزید 57 مسافر کراچی ایئرپورٹ پر آف لوڈ

آج کا اخبار
اہم خبریں
27 فروری ، 2025
کراچی (افضل ندیم ڈوگر) ایف ائی اے کے امیگریشن سرکل کے عملے نے کراچی ایئرپورٹ سے اٹلی، برطانیہ، سعودیہ سمیت 16 ممالک کے مزید 57مسافروں کو مختلف وجوہات کی بنا پر آف لوڈ کر دیا۔ امیگریشن ذرائع کے مطابق سعودیہ میں ایڈوانس ہوٹل بکنگ نہ ہونے اور اخراجات کیلئے رقم کم ہونے پر 19 عمرہ زائرین کو پروازوں سے اتارا گیا۔ سعودیہ، نائجیریا، صومالی لینڈ، آذربائیجان، اٹلی، قطر، مالدیپ اور رومانیہ کے وزٹ ورک ویزوں کے 13 مسافروں کو آف لوڈ کیا گیا۔ قبرص کے اسٹوڈنٹ ویزا کے 4 مسافروں کو پروازوں سے اتارا گیا۔ نائجیریا، عراق، ساؤتھ افریقہ، برطانیہ، بحرین، مالدیپ، تھائی لینڈ، انڈونیشیا اور سری لنکا کے وزٹ ویزوں کے 16 مسافروں کو بھی آف لوڈ کیا گیا۔ اسپیشل ویزا کا 1 مسافر اور بلیک لسٹ ہونے پر 3 مسافر آف لوڈ کیے گئے۔
اہم خبریں سے مزید