فرمان الہی
نماز کے اوقات
کراچی (نیوز ایجنسیاں) رمضان کی آمد کے ساتھ ہی مہنگائی آسمان پرپہنچ گئی ، پھلوں، سبزیوں سمیت تمام اشیائے خور و نوش کی قیمتوں میں ہوشربا اضافہ ہوگیا۔
کیلا 250 روپے درجن، سیب350روپے، امرود 200 روپے فی کلو فروخت ہو رہے ہیں۔
کمشنر کراچی کی جانب سے جاری کردہ پھلوں اور سبزیوں کا نرخ نامہ محض کاغذ کا ٹکڑا ثابت ہوا، پہلے روزے سے قبل ہی سبزیاں اور فروٹ مہنگے ہوگئے۔
کمشنر کی جاری کردہ پرائس لسٹ میں پیاز کی قیمت 63 روپے فی کلو مقرر کی گئی تھی تاہم پیاز 80روپے فی کلو بیچی جارہی ہے، اسی طرح لہسن 610 کے بجائے 1200روپے فی کلو میں فروخت ہو رہا ہے۔
پھلوں کی قیمتوں میں بھی نمایاں فرق دیکھا جارہا ہے، کیلا 146روپے کے بجائے 250 روپے درجن بیچا جا رہا ہے، سیب 219 کے بجائے 350 روپے فی کلو، امرود 138 کے بجائے 200روپے فی کلو، موسمی 161 کے بجائے 300 روپے فی درجن اور اسٹرابیری 161 کے بجائے 450 روپے فی کلو میں فروخت کی جارہی ہے۔
مارکیٹ کے نرخ کمشنر کے جاری کردہ نرخ نامے سے کہیں مختلف نظر آرہے ہیں، مرچیں 58 روپے کے بجائے 100 روپے میں فروخت کی جارہی ہیں۔
اسی طرح دھنیا 5 روپے کے بجائے 30 روپے میں دستیاب ہے، پودینا 6 روپے کے بجائے 15 روپے فی گڈی مل رہا ہے۔
