فرمان الہی
نماز کے اوقات
کراچی (نیوز ڈیسک)رواں برس رمضان المبارک کے دوران دنیا کا سب سے طویل روزہ سویڈن اور ناروے میں ہے اور مختصر جنوبی امریکی ملک چلی میں ہے ، سویڈن اور ناروے میں روزے کا دورانیہ ساڑھے بیس گھنٹے ہے جبکہ گرین لینڈ اور آئس لینڈ میں روزہ 20گھنٹے طویل ہوتا ہے ۔ دوسری جانب سب سے کم دورانیے کا روزہ چلی میں ہے ، جہاں روزہ صرف گیارہ گھنٹے کا ہے ۔عرب ممالک میں سب سے طویل روزہ الجزائر میں ہوتا ہے جس کا دورانیہ 16گھنٹے44منٹ ہے۔سعودی عرب ، مدینہ منورہ، نیویارک، امریکا اور ترکیہ میں روزے کا دورانیہ 13گھنٹے ہے۔ پاکستان میں روزے کا دورانیہ 12گھنٹے اور 58منٹ ہے جبکہ برازیل، جنوبی افریقا، ارجنٹائن، نیوزی لینڈ، متحدہ عرب امارات ، بھارت اور انڈونیشیا میں روزہ ساڑھے بارہ گھنٹے طویل ہے ۔جنوبی افریقہ میں جوہانسبرگ اور کیپ ٹاؤن کے ساتھ ساتھ پیراگوئے میں سیوڈاڈ ڈیل ایسٹے اور یوراگوئے میں مونٹیویڈیو میں روزے کے دورانیئے تقریباً 11 سے 12 گھنٹے ہے اور یہ بھی دنیا کے مختصر ترین روزے کے دورانیہ والے شہروں میں شامل ہیں ۔دنیا کے مختلف ممالک میں سورج کے طلوع و غروب کے اوقات مختلف ہونے کے باعث روزے کے دورانیے میں بھی نمایاں فرق پایا جاتا ہے۔
