• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی، رواں برس کے دو ماہ، اسٹریٹ کرائمز کے 10 ہزار سے زائد واقعات رپورٹ

آج کا اخبار
اہم خبریں
04 مارچ ، 2025
کراچی( ثاقب صغیر ) رواں برس کے پہلے دو ماہ کے دوران شہر میں اسٹریٹ کرائم کے 10 ہزار سے زائد واقعات رپورٹ ہوئے،پولیس کے مطابق سال 2024کے پہلے دو ماہ کے مقابلے میں رواں برس اسٹریٹ کرائم کی شرح 28.18فیصد کم ہے۔تفصیلات کے مطابق سال 2025کے پہلے دو ماہ کے دوران شہر میں اسٹریٹ کرائم کے 10ہزار 356واقعات رپورٹ ہوئے۔دو ماہ کے دوران 12شہری ڈکیتی مزاحمت پر قتل جبکہ41زخمی ہوئے۔ اس دوران 2806شہریوں سے موبائل فون چھینے گئے۔رواں برس28فروری تک شہر سے 306 گاڑیاں جبکہ7ہزار244موٹر سائیکلیں چھینی اور چوری کی گئیں۔رواں برس موبائل فون چھیننے کی یومیہ شرح 48.4،گاڑیوں کی چوری اور چھیننے کی 5.3 جبکہ موٹر سائیکلیں چھینے اور چوری کی یومیہ شرح 124.9 رہی۔پولیس کے مطابق سال 2024کے پہلے دو ماہ میں آسٹریٹ کرائم کے 14ہزار 419 واقعات رپورٹ ہوئے تھے۔2024 کے پہلے دو ماہ میں ڈکیتی مزاحمت پر 32افراد قتل اور 99 زخمی ہوئے تھے۔گذشتہ برس جنوری اور فروری میں شہریوں سے 4ہزار 120موبائل فون چھینے گئے تھے جبکہ 335گاڑیاں اور 9ہزار 964موٹر سائیکلیں چھینی اور چوری کی گئی تھیں۔
اہم خبریں سے مزید