• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

لاہور قلندرز PSL کے 10 ویں ایڈیشن کیلئے کٹ ڈیزائن کے مقابلے کا اعلان

آج کا اخبار
اہم خبریں
07 مارچ ، 2025
لاہور(نیوزرپورٹر) پاکستان سپر لیگ ( پی ایس ایل ) کی فرنچائز لاہور قلندرز نے پی ایس ایل کے دسویں ایڈیشن کے لیے کِٹ ڈیزائن کے مقابلے کا اعلان کر دیا۔لاہور قلندرز کے سی ای او عاطف رانا، سی اواو ثمین رانا نے عالمی شہرت یافتہ ڈیزائنر محمود بھٹی کےساتھ پریس کانفرنس کی اور بتایا کہ کِٹ ڈیزائن کے مقابلے میں نوجوان ڈیزائنرز اور مداح کو مدعو کیا گیا ہے محمود بھٹی مقابلے میں نوجوان بہترین ڈیزائنر کے انتخاب میں مدد کریں گے ۔عاطف رانا کے مطابق یہ صرف ڈیزائن کا مقابلہ نہیں بلکہ اس مقابلے کا مقصد نوجوانوں کی تخلیقی صلاحیتوں کو سامنے لانا ہے، مقابلے سے لاہور قلندرز اور اس کے پرجوش مداحوں کے درمیان رشتہ مزید مضبوط ہو گا۔لاہورقلندرز کے سی ای او عاطف رانا کا کہنا تھا کہ لاہور قلندرز نے ہمیشہ جدت کو اہمیت دی ہے، کِٹ مقابلے کے لیے فیشن اسکولوں سے تعلق رکھنے والوں کی حوصلہ افزائی کی جائے گی جبکہ مقابلے میں حصہ لینے والوں سے درخواست ہے کہ وہ 100 فیصد اصل ڈیزائن پیش کریں۔انھوں نے بتایا کہ مقابلے کے نگران معروف پاکستانی نژاد فرانسیسی ڈیزائنر محمود بھٹی ہوں گے، محمود بھٹی بہترین ڈیزائنر کے انتخاب میں مدد کریں گے، منتخب کردہ ڈیزائنر عوامی ووٹ کے لیے پیش کیے جائیں گے۔عاطف رانا کا مزید کہنا تھا کہ کِٹ مقابلہ جیتنے والے کو خصوصی انعام اور پی ایس ایل ڈگ آؤٹ میں بیٹھنے کا موقع ملے گ۔دوسری جانب سربراہ جیوری محمود بھٹی نے کہا کہ نواجوان ٹیلنٹ کی رہنمائی اور مدد کرنا میرے لیے اعزاز کی بات ہے، میں مقابلے میں حصہ لینے والے شرکاء کے وژن کو دیکھنے کے لیے بے تاب ہوں۔
اہم خبریں سے مزید