• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

چین، ترکیہ، ملائیشیا، سعودیہ سمیت 8 ملکوں سے مزید 67 پاکستانی بے دخل

آج کا اخبار
اہم خبریں
10 مارچ ، 2025
کراچی (افضل ندیم ڈوگر )چین ملائیشیا، ترکیہ اور سعودیہ سمیت8ممالک سے 24گھنٹے کے دوران مزید 67پاکستانیوں کو بے دخل کر دیا گیا۔ جن میں سے 14 کو حراست میں لے کر انسداد انسانی اسمگلنگ سرکل منتقل کر دیا گیا۔ امیگریشن ذرائع کے مطابق سعودی عرب میں بھیک مانگنے، منشیات فروشی، کام سے مفرور، کفیل کے بغیر کام کرنے، زائد المیعاد قیام، پاسپورٹ میں خرد برد کرنے، غیر قانونی داخلے، سمیت مختلف الزامات کے تحت 36 پاکستانیوں کو بے دخل کیا گیا۔ جن میں 1بلیک لسٹ بھی شامل ہے۔ قبرص میں امیگریشن نے ناپسندیدہ قرار دے کر 1 پاکستانی سمیت 3 کو بے دخل کیا گیا۔ ترکیہ میں رہائشی پرمٹ منسوخ کرکے 1، ملائشیا میں امیگریشن نے ممنوعہ قرار دے کر 1، چین نے امیگریشن پر انٹری سے انکار کرکے 1پاکستانی کو واپس بھیج دیا۔ عراق میں غیرقانونی طور پر داخل ہونے والے 8 افراد سمیت 12 پاکستانیوں کو ڈی پورٹ کیا گیا۔ یو اے ای میں منشیات فروشی، ریپ کیس، قتل، فراڈ، جیل، چوری سمیت مختلف الزامات پر 10 پاکستانیوں کو بے دخل کیا گیا۔ کمبوڈیا میں فراڈ کمپنی کے ساتھ کام کرنے پر 1 پاکستانی کو بے دخل کیا گیا۔
اہم خبریں سے مزید