• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان کے ترکمانستان میں تعینات سفیر کو امریکا میں داخلے سے روک دیا گیا

آج کا اخبار
اہم خبریں
11 مارچ ، 2025
اسلام آباد (اعزازسید) سفارتی ذرائع ‎کے مطابق پاکستان کے ترکمانستان میں تعینات سفیر کو امریکا میں داخلے سے روک دیا گیا ، ‎کے کے احسن وگن کو امریکی شہر لاس اینجلس سے واپس ڈیپورٹ کیا گیا، کے احسن وگن کے پاس امریکی ویزا اور تمام قانونی سفری دستاویزات موجود تھیں۔ ذرائع ‎کے مطابق ترکمانستان میں پاکستانی سفیر کےکے احسن وگن چھٹیوں پر لاس ‎اینجلس جارہے تھے، ‎امریکی امیگریشن حکام نے احسن وگن کو لاس اینجلس ایئرپورٹ پر روکا تھا۔ ذرائع کا دعویٰ ہے کہ امریکی سسٹم میں پاکستانی سفیر پر متنازع ویزا ریفرنسز کا اعتراض موجود تھا۔ ‎وزیر خارجہ اسحاق ڈار اور سیکرٹری خارجہ آمنہ بلوچ کو واقعے کے بارے میں مطلع کردیا گیا۔‎وزارت خارجہ نے لاس اینجلس میں پاکستانی قونصلیٹ کو معاملے کی جانچ پڑتال کی ہدایت کردی۔ ذرائع ‎جیونیوز کی واقعہ پر پاکستانی سفیر کے کے احسن وگن سے رابطے کی کوشش کی تاہم جواب موصول نہیں ہوا۔ترجمان دفتر خارجہ نے بھی معاملے پر جواب دینے سے گریزکیا۔
اہم خبریں سے مزید