• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان میں بڑی سرمایہ کاری کرینگے، قونصل جنرل امارات کراچی

آج کا اخبار
اہم خبریں
13 مارچ ، 2025
کراچی( افضل ندیم ڈوگر) متحدہ عرب امارات کے قونصل جنرل کراچی بخیت عتیق الرومیتی کی جانب سے کراچی کی بزنس کمیونٹی کے اعزاز میں خصوصی دعوت افطار دی گئی۔ جس میں کراچی کے نامور تاجروں نے شرکت کی۔ افطار ڈنر میں پاکستان کے ہیلتھ سیکٹر اور ایجوکیشن سے منسلک نامی گرامی شخصیات بھی خصوصی طور پر شریک ہوئیں۔ افطار ڈنر کے دوران تاجروں کی تواضع پاکستانی و عربی کھانوں اور مشروبات کے ذریعے کی گئی۔ اس موقع پر قونصل جنرل یو اے ای بخیت عتیق الرومیتی کا کہنا تھا کہ پاکستان اور متحدہ عرب امارات کے تعلقات کئی دہائیوں پر محیط ہیں۔ آنے والے برسوں کے دوران یو اے ای پاکستان میں بڑی سرمایہ کاری کررہا ہے۔ ماضی میں پاکستان کا یو اے ای کی ترقی میں ایک کلیدی کردار رہا ہے۔ یو اے ای کے صحت شعبہ میں ان گنت پاکستانی ڈاکٹرز اپنی خدمات انجام دے رہے ہیں۔ بخیت عتیق الرومیتی نے کہا کہ کھیلوں کے شعبے میں بھی دونوں ملکوں کے باہمی تعاون کےلیے بے شمار مواقع موجود ہیں۔ دونوں ممالک کے درمیان فوڈ سیکیورٹی کےشعبوں میں کام کیا جاسکتا ہے۔ قونصلیٹ جنرل امارات عتیق الرومیتی کا کہنا تھا کہ یو اے ای حکومت پاکستان کی معیشت کے استحکام کیلئے یر ممکن کوششیں اور تعاون بھی ہر سطح پر کررہی ہے۔ پاکستان میں ہونے والا پہلا بین الاقوامی کھجور فیسٹیول اس کا عملی ثبوت ہے۔
اہم خبریں سے مزید