فرمان الہی
نماز کے اوقات
آپ کے مسائل اور اُن کا حل
سوال: روزہ کن چیزوں سے ٹوٹتا ہے؟
جواب: روزہ یاد رہتے ہوئے جسم کے منافذ یعنی قدرتی راستوں (منہ، ناک یا شرم گاہ) سے کوئی چیز داخل کرنے سے روزہ ٹوٹ جاتا ہے (چاہے جان بوجھ کر ہو یا غلطی سے)، پھر منہ سےاگر ایسی چیز نگلی جو عموماً غذا کے طور پر استعمال ہوتی ہو تو اس سے قضا کے ساتھ کفّارہ بھی لازم ہوگا۔
قے کو جان بوجھ کر نگل لینے سے بھی روزہ ٹوٹ جائے گا۔ منہ کے علاوہ ناک یا شرم گاہ (اگلی یا پچھلی) کے راستے سے اگر کوئی چیز داخل کی جو پیٹ (کے راستے) تک چلی گئی تو اس سے بھی روزہ ٹوٹ جائے گا، اور صرف قضا لازم ہوگی۔
عورت کو حیض یا نفاس کی حالت شروع ہونے سے بھی روزہ ٹوٹ جائے گا۔جماع کرنے سے روزہ ٹوٹ جائے گا، اور قضا کے ساتھ کفارہ بھی لازم ہوگا۔عورت کے فطری راستے کے علاوہ میں جماع کرنے یا کسی بھی غیر فطری طریقے سے انزال کرنے سےبھی روزہ ٹوٹ جائے گا، اور صرف قضا لازم ہوگی۔
