• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

یونین کونسل 69اور 67میں صحت و صفائی کی ابتر صورتحال کے خلاف تاجروں، مکینوں کا احتجاج

میرا شہر
ملتان
20 مارچ ، 2025
ملتان (سٹاف رپورٹر) شہر کی مصروف ترین سڑکوں ،رہائشی کالونیوں اور مارکیٹوں پر مشتمل یونین کونسل69اور67کے علاقوںمیں گندگی وکوڑاکرکٹ کے انباراور صحت و صفائی کی ابتر صورتحال پر تاجروں ، مکینوں نے احتجاج کیا اور ضلعی انتظامیہ کو انتباہ کیا کہ اس سنگین صورتحال کافوری نوٹس لیا جائے ، بصورت دیگر ان علاقوں کے تاجرو مکین انتظامی دفاتر،سالڈویسٹ و دیگر متعلقہ محکموں کے افسران کے دفاتر کا گھیراؤ کرنے پر مجبور ہوں گے ، یہ انتباہ گزشتہ روز ان علاقوں کی مارکیٹوں انجمن تاجران شالیمار ،ملتان پبلک سکول روڈ، آل پاکستان انجمن تاجران شالیمار کالونی ،زکریا ٹاؤن ، شاہ بدر روڈ ، بوسن روڈ اور ملحقہ علاقوں کی تاجر تنظیموں اور مکینوں کے ہنگامی اجلاس میں کیاگیا، جس میں آل پاکستان انجمن تاجران کے مرکزی سینئر نائب صدر محمد اختربٹ ،جنوبی پنجاب و ملتان کے صدر عارف فصیح اللہ، چئیرمین ملک منیرہانس ، نائب صدر عابد اکرم ہانس ، صدر ذیشان ،ملک پیر بخش ہانس، ملک طارق ہانس ، ملک رمضان سیال سمیت دیگر عہدے داروں، تاجروں اور ملحقہ آبادیوں کے درجنوں مکینوں نے شرکت کی ۔
ملتان سے مزید