• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کمپٹیشن ایپلٹ ٹریبونل نے ڈیری فارمر ایسوسی ایشن کراچی کی اپیل خارج کر دی

آج کا اخبار
اہم خبریں
22 مارچ ، 2025
اسلام آباد( کامرس رپورٹر )حکومت کی جانب سے کمپٹیشن ایپلٹ ٹریبونل کے چیئرمین اور اراکین کی تعیناتی کے بعد، اپیلٹ ٹربیونل نے بعد ایک بار پھر سے درخواستوں کی سماعت شروع کردی ہے۔ آٹھ ماہ کے وقفے کے بعد پہلی بار سماعت کرتے ہوئے ٹریبونل نے ڈیری فارمر ایسوسی ایشن کراچی کی اپیل واپس لینے پر خارج کردی ہے۔دوران سماعت کمپیٹیشن کمیشن کے وکیل نے مؤقف اختیار کیا کہ اپیل کنندہ کی درخواست ناقابل سماعت ہے کیونکہ کمپیٹیشن کمیشن نے اپیل کنندہ ’ ڈیری فارمرز ایسوسی ایشن‘ کے خلاف کوئی حکم جاری نہیں کیا۔ ڈیری فارمر ایسوسی ایشن کراچی سوسائٹی رجسٹریشن ایکٹ 1860 کے تحت قائم کی گئی ایک سوسائٹی ہے ۔ ٹربیونل کو بتایا گیا کہ کمپیٹیشن کمیشن کی جانب سے جرمانہ ڈیری فارمر ایسوسی ایشن کراچی کے نمائندوں کو کیا گیا ہے۔کمپٹیشن ایپلٹ ٹریبونل نے کمپٹیشن کمیشن کے دلائل سے اتفاق کرتے ہوئے اپیل کنندہ کے وکیل کو اپیل واپس لینے کی ہدایت کی۔
اہم خبریں سے مزید