• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان بے شمار قربانیوں کا نتیجہ، عظیم شہدأ کو یاد رکھنا چاہئے، شرجیل میمن

آج کا اخبار
اہم خبریں
24 مارچ ، 2025
کراچی (اسٹاف رپورٹر) سندھ کے سینئر وزیر شرجیل انعام میمن نے کہا ہے کہپاکستان ان بے شمار قربانیوں کا نتیجہ ہے جو ہمارے آباؤ اجداد نے ایک آزاد جمہوری ریاست کے قیام کے لیے دیں آج ان عظیم شہداء کو یاد رکھنا چاہیے جنہوں نے ہمارے ملک کی آزادی اور خودمختاری کے لیے اپنی جانوں کا نذرانہ پیش کیا ،ایک مضبوط، مستحکم اور خوشحال پاکستان کیلئے اختلافات سے بالاتر ہو کر ہم سب کا متحد ہونا ناگزیر ہے۔ 23 مارچ یوم پاکستان کے موقع پر اپنے پیغام میں سندھ کے سینئر وزیر اور صوبائی وزیر برائے اطلاعات، ٹرانسپورٹ و ماس ٹرانزٹ شرجیل انعام میمن نے کہا کہ یوم پاکستان کے تاریخی دن کے موقع پاکستان کے عوام کو دل کی گہرائیوں سے مبارکباد پیش کرتا ہوں، یہ وہ دن ہے جب قائداعظم اور دیگر عظیم رہنماؤں نے برصغیر کے مسلمانوں کے لیے ایک علیحدہ وطن کے خواب کو حقیقت بنانے کی بنیاد ڈالی۔ انہوں نے کہا کہ آج کا دن پاکستان کو درپیش چیلنجز کے خلاف متحد ہوکر جدوجہد کے عہد کی تجدید کا دن ہے ۔
اہم خبریں سے مزید