• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان اور چین کا ٹیکنالوجی و ڈیجیٹل معیشت میں تعاون پر اتفاق

آج کا اخبار
اہم خبریں
25 مارچ ، 2025
اسلام آباد (نمائندہ جنگ )وزیر آئی ٹی و ٹیلی کمیونی کیشن شزہ فاطمہ خواجہ سے چینی سفیر جیانگ زائیڈونگ نے ملاقات کی ، ملاقات میں پاکستان اور چین کے درمیان ڈیجیٹل تعاون کو فروغ دینے پر تبادلہ خیال کیا گیا، شزہ فاطمہ خواجہ نے کہا کہ وزیراعظم پاکستان کے وژن کے تحت ڈیجیٹل ترقی و جدید ٹیکنالوجی کے فروغ پر زور دیا گیا ہے ، پاکستان اور چین کے درمیان ٹیکنالوجی اور ڈیجیٹل معیشت میں تعاون پر اتفاق کیا گیا ہے ، ڈیجیٹل ٹرانسفارمیشن میں چین کے تجربات سے استفادہ کیا جائیگا ، ملاقات میں پاکستان میں ای گورننس اور سمارٹ سٹیز کے فروغ پر بھی تفصیلی تبادلہ خیال کیا گیا ، ملاقات میں پاکستانی طلبہ کیلئے چین میں مصنوعی ذہانت اور ڈیٹا سائنس کے ڈگری پروگرامز پر گفتگو ہوئی اس دوران پاکستان اور چین کے درمیان آئی سی ٹی، مصنوعی ذہانت اور ڈیجیٹل گورننس میں تربیتی تعاون پر تبادلہ خیال کیا گیا ،چینی سفیر کی جانب سے پاکستان میں ڈیجیٹل ترقی کیلئے بھرپور تعاون کی یقین دہانی کرائی گئی۔
اہم خبریں سے مزید