فرمان الہی
نماز کے اوقات
کراچی (اسٹاف رپورٹر ) نالوں میں کچرا پھینکنے والوں کے خلاف مقدمات درج کرنے کا فیصلہ کیا گیا ہے، کمشنر کے جاری کردہ نوٹیفکیشن کے مطابق دفعہ 144 کے تحت 25 مارچ سے 24 مئی تک پابندی عائد ہوگی اس دوران نالوں میں فضلہ پھینکنے والوں کے خلاف سخت قانونی کارروائی کی جائے گی خلاف ورزی کرنے والوں پر سیکشن 188 کے تحت مقدمات درج کیے جائیں گے، کمشنر کراچی سید حسن نقوی کی زیر صدارت صفائی کا نظام بہتر بنانے کے لئے منعقد جائزہ اجلاس میں فیصلہ کیا گیا کہ شہر میں موجود تمام ادارے اپنا کچرا سالڈ ویسٹ مینجنٹ بورڈ کے ساتھ رابطہ کی مدد سے لینڈ فل سائٹس پر ٹھکانے لگائیں گے کسی ادارہ کو اپنی مرضی سے کہیں بھی کچرا پھینکنے کی اجازت نہیں ہوگی اور سالڈ ویسٹ مینجمنٹ بورڈ کے ساتھ مفاہمتی معاہدہ کریں گے،اجلاس میں سالڈ ویسٹ مینجمنٹ بورڈ، ڈپٹی کمشنرز ،کنٹونمنٹ بورڈز، کے پی ٹی، سول ایوی ایشن اتھارٹی، پورٹ قاسم اتھارٹی ، فیڈرل بی ایریا ایسو سی ایشن آف ٹریڈ اینڈ انڈسٹری ، لانڈھی ایسو سی ایشن آف ٹریڈ اینڈ انڈسٹری ، دیگر صنعتی اداروں، این ای ڈی یونیورسٹی، مارکیٹ کمیٹی سبزی منڈی اور مختلف اداروں کے سینئر افسران اور نمائندوں نے شرکت کی ۔
