فرمان الہی
نماز کے اوقات
والسال میں محمد خان کے قتل کی جاری تحقیقات کے سلسلے میں 2 افراد پر پُرتشدد بدامنی پھیلانے اور چاقو رکھنے کے الزامات عائد کیے گئے ہیں۔
ویسٹ مڈلینڈز پولیس پریس ریلیز کے مطابق 31 سالہ عامر خان اور 25 سالہ محمد امرن خان کو ابتدائی سماعت کےلیے گزشتہ روز برمنگھم مجسٹریٹ کورٹ میں پیش کیا گیا۔
پریس ریلیز کے مطابق ملزمان کو کسی بعد کی تاریخ کو برمنگھم کراؤن کورٹ میں پیش ہونا ہے۔
پولیس حکام کے مطابق یہ الزامات محمد خان کی المناک موت سے متعلق واقعات کی تحقیقات سے متعلق ہیں، جن پر بلوکس وچ روڈ پر حملہ کیا گیا تھا۔
خیال رہے کہ اس واقعہ میں پہلے ہی پانچ افراد پر قتل کا الزام عائد کیا جا چکا ہے۔
