فرمان الہی
نماز کے اوقات
کراچی (اسٹاف رپورٹر) بنگلہ دیش کرکٹ بورڈ کا کہنا ہے کہ مئی میں دورہ پاکستان کے دوران ون ڈے میچز نہیں کھیلے جائیں گے، فیوچر ٹور پروگرام کی سیریز صرف ٹی ٹوئنٹی انٹرنیشنل میچز پر مشتمل ہوگی۔ امکان ہے کہ سیریز کے میچ فیصل آباد میں کھیلے جائیں ۔ ون ڈے میچز نہ کھیلنے کا فیصلہ ٹی ٹوئنٹی ایشیا کپ اور ٹی ٹوئنٹی ورلڈ کپ کی تیاری کی وجہ سے کیا گیا ہے ۔ یاد رہے کہ ایشیا کپ 2025 کی میزبانی بھارت نے کرنی ہے جب کہ ٹی ٹوئنٹی ورلڈ کپ 2026 کے بھارت اور سری لنکا مشترکہ میزبان ہیں۔ اس اضافی سیریز کا فیصلہ دونوں کرکٹ بورڈز کے حکام نے چیمپئنز ٹرافی کے دوران ملاقات میں کیا تھا، تاہم اب اسے بدل دیا گیا ہے۔سابقہ پروگرام کے مطابق بنگلہ دیش کو اپنے دورہ پاکستان میں 3 ون ڈے اور 3 ٹی ٹوئنٹی میچز کھیلنا تھے لیکن اب آئندہ انٹرنیشل ایونٹس کی تیاری کے سلسلے میں 5 ٹی ٹوئنٹی میچز پر مشتمل سیریز ہوگی۔ بنگلہ دیش کرکٹ ٹیم نے مئی میں پاکستان کا دورہ کرنا ہے جب کہ پاکستان ٹیم جولائی میں بنگلہ دیش کا دورہ کرے گی جہاں 3 ٹی ٹوئنٹی میچز ہوں گے۔ اضافی سیریز کا فیصلہ لاہور میں دونوں کرکٹ بورڈز کے حکام نے چیمپئنز ٹرافی کے دوران ملاقات میں کیا تھا۔ پاکستان اور بنگلہ دیش کے درمیان ٹی ٹوئنٹی میچز 20، 22 اور 24 جولائی کو کھیلے جائیں گے۔
