فرمان الہی
نماز کے اوقات
کراچی (اسٹاف رپورٹر) پاکستانی میچ ریفری علی نقوی اور امپائرز فیصل آفریدی اور سلیمہ امتیاز آئی سی سی ویمنز ورلڈ کپ کوالی فائر سپر وائز کریں گے۔ جمعرات کوانٹر نیشنل کرکٹ کونسل نے ویمنز ورلڈ کپ کوالیفائیر کیلئے میچ آفیشلز کا اعلان کردیاہے۔ آئی سی سی کے مطابق ویمنز کرکٹ ورلڈکپ کوالیفائیر پاکستان میں کھیلا جائے گا جب کہ ایونٹ 9 سے 19 اپریل تک لاہور کے 2 وینیوز پر منعقد ہو گا۔ میچز آفیشلز کے پینل میں 10 امپائرز اور 3ریفریز شامل ہوں گے جس میں پاکستان کے فیصل خان آفریدی اور سلیمہ امتیاز امپائرنگ بھی شامل ہیں، سلیمہ امتیاز گزشتہ برس آئی سی سی پینل آف امپائرز میں شامل ہونے والی پہلی پاکستانی خاتون بنی تھیں۔ اس کے علاوہ علی نقوی ، شاندرے فرٹز اور ٹروڈی اینڈرسن میچ ریفریز کے فرائض انجام دیں گے۔
