• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بجلی قیمتوں میں کمی اونٹ کے منہ میں زیرہ کے مترادف، خالد مسعود سندھو

میرا شہر
اسلام آباد
04 اپریل ، 2025
اسلام آباد (نمائندہ خصوصی) مرکزی مسلم لیگ کے صدر خالد مسعود سندھو نے کہا ہے کہ وزیراعظم کی جانب سے بجلی کی قیمتوں میں کمی کا اعلان اونٹ کے منہ میں زیرہ کے مترادف ہے، بجلی بلوں پر عائد ٹیکسوں کو بھی ختم کیا جائے اور غربت میں پسے عوام کو مزید ریلیف دیا جائے۔ خالد مسعود سندھو نے میڈیا سے بات چیت کرتے ہوئے کہا کہ پاکستان میں بڑھتی ہوئی مہنگائی اور غربت کے پیش نظر عوام کو سہولیات فراہم کرنا حکومت کی ذمہ داری ہے۔ ملک میں بے روزگاری،غربت کی وجہ سے شہری پریشان ہیں، مہنگائی کی وجہ سے متوسط اور غریب طبقے کی کمر ٹوٹ چکی ہے۔ موجودہ صورتحال میں بجلی کے نرخوں میں معمولی کمی سے عوام کو کوئی بڑا فائدہ نہیں پہنچے گا۔ وزیراعظم کوئی احسان نہیں کر رہے، پاکستانی قوم کو ان کا حق دیں، سرکاری اداروں میں کرپشن، لوٹ مار ختم کی جائے۔ حکومت کو ایسی پالیسیاں بنانی چاہئیں جو غریب اور متوسط طبقے کے لئے حقیقی ریلیف فراہم کریں، صرف بیانات سے مسائل حل نہیں ہوں گے، بلکہ عملی اقدامات کرنا ہوں گے۔
اسلام آباد سے مزید