• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سندھ حکومت کراچی کو کچی آبادی میں تبدیل کرنے کا انتظام کررہی ہے، سیف الدین

آج کا اخبار
اہم خبریں
05 اپریل ، 2025
کراچی (اسٹاف رپورٹر) بلدیہ عظمیٰ کراچی میں قائد حزب اختلاف سیف الدین ایڈووکیٹ نے کہا ہے کہ سندھ حکومت کراچی کو کچی آبادی میں تبدیل کرنے کا انتظام کررہی ہے،پیپلز پارٹی کی سندھ حکومت نے کراچی بلڈنگ اینڈ ٹاؤن پلاننگ ریگولیشن 2002 ءمیں ترامیم کے ذریعے شہر کے بنیادی ڈھانچے پر تباہ کن حملہ کیا ہے، یہ ترا میم کراچی کو ایک بدترین شہر میں تبدیل کردیں گی، پیپلز پارٹی کی حکومت آج تک شہر میں کوئی بہتری نہیں لا سکی، کراچی کی 50فیصد سے زائد آبادی کچی آبادیوں میں رہتی ہے، جہاں کوئی نظام درست کام نہیں کر رہا، لیکن ان آبادیوں کو بہترکرنے اور جدید تقاضوں کے مطابق ان کی پلاننگ اور شہری سہولتیں فراہم کرنے کے بجائے کراچی کے باقاعدہ پلاننگ کے تحت آباد علاقوں کو بھی کچی آبادی میں تبدیل کرنے کا انتظام کیا جا رہا ہے! قائد حزب اختلاف نے اپنے بیان میں کہا کہ 13 مارچ 2025 ءکے ایک نوٹیفیکیشن کے ذریعے کراچی بلڈنگ اینڈ ٹاؤن پلاننگ ریگولیشن 2002 ءمیں کچھ ترامیم ڈائریکٹر جنرل (ڈی جی)سندھ بلڈنگ کنٹرول اتھارٹی (ایس بی سی اے) اسحاق کھوڑو نے منظور کیں۔
اہم خبریں سے مزید