• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وزیراعظم زلزلہ تباہی پر اظہار یکجہتی کیلئے میانمار کے سفارت خانے پہنچ گئے

آج کا اخبار
اہم خبریں
05 اپریل ، 2025
اسلام آباد ( نیو زرپورٹر) وزیراعظم محمد شہباز شریف میانمار میں حالیہ تباہ کن زلزلے کے نتیجے میں قیمتی جانی و مالی نقصان پر اظہار ہمدردی و یکجہتی کے لیے میانمار سفارت خانے پہنچ گئےدونوں دوست ممالک ، مشکل گھڑی میں پاکستان کے تعاون پر میانمار قوم آپ کی مشکور ہے،سفیر کا اظہار تشکر ۔وزیراعظم نے میانمار کے سفیر ونا ہان (Wunna Han) سے ملاقات کی اورمیانمار میں حالیہ زلزلے میں قیمتی جانوں کے ضیاع پر افسوس کا اظہار کیا۔ وزیر اعظم نے کہا کہ ہم میانمار کے حالیہ زلزلے میں زخمی ہونے والے افراد کی جلد صحتیابی اور متاثرہ خاندانوں کی بحالی کے لیے دعا گو ہیں، حکومت پاکستان خیموں، ادویات اور دیگر امدادی سامان پر مشتمل 35 ٹن کی ایک کھیپ خصوصی پرواز کے ذریعے بھجوا چکی ہے اور حسب ضرورت مزید سامان بھی بھجوایا جا رہا ہے، پاکستان میانمار کے لیے مشکل کی اس گھڑی میں ہر ممکن مدد کے لیے تیار ہے۔ میانمار کے سفیر نے وزیراعظم کی سفارت خانے آمد اور حکومت پاکستان کی جانب سے بھر پور تعاون پر اظہار تشکر کیا۔ سفیر ونا ہان نے کہا کہ پاکستان اور میانمار دوست ممالک ہیں اور اس مشکل گھڑی میں پاکستان کے تعاون پر میانمار کی قوم آپ کی مشکور ہے۔
اہم خبریں سے مزید