فرمان الہی
نماز کے اوقات
پیرس: یونیسکو میں پاکستان کی مستقل مندوب، سفیر ممتاز زہرہ بلوچ نے 7 سے 17 اپریل 2025 تک پیرس میں منعقد یونیسکو کے ایگزیکٹو بورڈ کے 221ویں اجلاس کے مکمل اجلاس سے خطاب کیا۔
انہوں نے آج کے چیلنجز سے نمٹنے کےلیے ایک مضبوط اور زیادہ موثر یونیسکو کےلیے پاکستان کے عزم کا اعادہ کیا۔
سفیر پاکستان نے تعلیم، سائنس، ثقافت اور مواصلات میں اپنی اسٹریٹجک ترجیحات کو پورا کرنے کےلیے ایک حقیقت پسندانہ اور پائیدار بجٹ کی ضرورت پر زور دیا۔
انہوں نے تنظیم کے ڈھانچے اور کام میں اسٹریٹجک معقولیت پر زور دیا اور کہا کہ ہم آہنگی کو بڑھانا اور نقل اور اوورلیپنگ کو کم کرنا ہے۔
سفیر پاکستان نے یونیسکو سے مطالبہ کیا کہ مشترکہ چیلنجوں سے نمٹنے کے لیے سائنسی تعاون کو فروغ دیا جائے۔
انکا کہنا تھا کہ سائنسی ترقی اور اختراع کی جمہوریت کو فروغ دینا ہے اور سائنسی ترقی کو مصنوعی رکاوٹوں اور اسٹریٹجک مقابلے سے محفوظ رکھنا ہے۔
انہوں نے یونیسکو کے عملے کی لگن اور عزم کی تعریف کی اور شفافیت اور جوابدہی کی ضرورت پر زور دیا۔
