• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

رتہ امرال، فائرنگ کے تبادلے کے بعد ایک زخمی ملزم سمیت 3رکنی گینگ گرفتار

میرا شہر
اسلام آباد
14 اپریل ، 2025
راولپنڈی (سٹاف رپورٹر)تھانہ رتہ امرال کے علاقہ میں رات گئے فائرنگ کے تبادلے کے بعد ایک زخمی ملزم سمیت تین رکنی گینگ کو گرفتار کرلیاگیا، ترجمان راولپنڈی پولیس کے مطابق تھانہ رتہ امرال کے علاقہ میں رات گئے موٹر سائیکل سوار 3 ملزموں نے پولیس پارٹی پر فائرنگ کر دی، فائرنگ کے دوران ایک زخمی ملزم سمیت سٹریٹ کرائم کی درجنوں وارداتوں میں مطلوب تین رکنی کومہ گینگ کوگرفتارکرلیا گیا، گرفتار ملزمان میں گینگ کا سرغنہ وقاص عرف کومہ، عمران عرف ماڑو اور زخمی ملزم سہیل شامل ہیں،پولیس کاکہنا ہے کہ ملزمان مختلف علاقوں میں ڈکیتی، سنیچنگ، موٹر سائیکل سنیچنگ اور چوری کے درجنوں مقدمات میں ملوث و مطلوب ہیں، ملزمان رتہ امرال، بنی، نیوٹاؤن، پیرودھائی کے درجنوں مقدمات میں ریکارڈ یافتہ و مطلوب ہیں، ملزمان کی فائرنگ کے باوجود بہادری سے مقابلہ کرتے ہوئے سٹریٹ کرائم میں ملوث گینگ کی گرفتاری پر سی پی او سید خالد ہمدانی نے ایس پی راول، ڈی ایس پی سٹی اور رتہ امرال پولیس ٹیم کو شاباش دیتے ہوئے کہا کہ شہریوں اور پولیس پر حملہ کرنے والے قانون کی گرفت سے نہیں بچ سکتے۔
اسلام آباد سے مزید