• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

امریکی کانگریس وفد کی وزیراعلیٰ مریم نواز سے اہم ملاقات

آج کا اخبار
اہم خبریں
15 اپریل ، 2025
لاہور(خصوصی نمائندہ)امریکی کانگریس کے وفد نے جاتی امرا ء رائے ونڈ میں وزیراعلیٰ پنجاب مریم نواز شریف سے ملاقات کی جس میں باہمی دلچسپی کے دو طرفہ امور پر تبادلہ خیال کیا گیا ۔وفد میں امریکی کانگریس مین تھامس رچرڈ سوازی، جوناتھن جیکسن، قائم مقام امریکی سفیر نیٹلی بیکر اور امریکی قونصل جنرل کرسٹن کے ہاکنز موجود تھے۔پارٹی ذرائع کے مطابق امریکی کانگریس کے وفد کی وزیر اعلیٰ پنجاب مریم نواز شریف سے ملاقات ایک گھنٹے سے زائد وقت تک جاری رہی۔ دریں اثناء وزیر اعلیٰ پنجاب کی ہدایت پر ”اپنی چھت،اپنا گھر پروگرام“ کے تحت مختصر مدت میں 1806گھروں کی تکمیل کا منفرد ریکارڈقائم ہو گیا ،پروگرام کے تحت 9کروڑ 24لاکھ روپے کے قرضوں کی وصولی پروگرام کی شفافیت کا ثبوت ہے۔ 22ہزار 600سے زائد گھر تکمیل کے آخری مراحل ہے،ساڑھے25ہزار سے زائد گھرانوں کو27ارب 43 کروڑسے زائد کے قرضے جاری کیے گئے۔ 12ہزارسے زائد گھرانوں کو گھر کی تعمیر کے لئے دوسری قسط جاری کر دی گئی۔ ”اپنی چھت،ا پنا گھر پروگرام“کے تحت2000مزید قرضوں کی اجراء کے لئے منظوری دے دی گئی ہے۔ وزیراعلیٰ نے کہا ہے کہ ہر نیا بننے والا گھر دیکھ کر ہونے والی خوشی کو لفظوں میں بیان نہیں کیا جا سکتا ہے ، ماضی میں اپنے گھر کے وعدے ہوتے رہے،مسلم لیگ (ن) نےنوازشریف کی قیادت میں کرکے دکھایا۔ خوش ہوں کہ اللہ تعالیٰ نے ایک اور وعدہ پورا کرنے کی توفیق دی، وزیراعلیٰ پنجاب نے بیساکھی پر اپنے خصوصی پیغام میں کہا ہےکہ بیساکھی پنجاب کا خوبصورت زرعی ثقافتی تہوار ہے، پچھلے سال کرتار پور میں بیساکھی کے تہوار میں گندم کی کٹائی سے ہونے والی خوشی آج تک نہیں بھول سکی۔ مجھے فخر ہے کہ پہلی مر تبہ پنجاب میں کسانوں کو اربوں روپے کے بیج، کھاد اور زرعی آلات مہیا کئے گئے ،وزیر اعلیٰ پنجاب نے شجاع آباد کے قریب کار اور ٹرالر کے تصادم سے 2 خواتین سمیت 3 افرادکے جاں بحق ہونے پر سوگوار خاندانوں سے ہمدردی و تعزیت کا اظہار کرتے ہوئے زخمیوں کو بہترین طبی سہولتیں فراہم کرنے کی ہدایت کی ہے۔
اہم خبریں سے مزید