فرمان الہی
نماز کے اوقات
کراچی (نیوز ڈیسک)پاکستان نے ان تجاویز کی سختی سے تردید کی ہے کہ اس نے مقبوضہ فلسطینی علاقوں میں اسرائیلی کارروائیوں کی مذمت کرنے والی اقوام متحدہ کی انسانی حقوق کونسل (UNHRC) کی ایک حالیہ قرارداد کو کمزور کرنے میں کوئی کردار ادا کیا ہے۔ وزارت خارجہ کا کہنا ہے کہ انہوں نے اسرائیل مخالف قرارداد میں انتہائی سخت دفعات ہٹانے میں کوئی مدد نہیں کی ،کسی بھی مرحلے پر متن میں یکطرفہ طور پر ترمیم نہیں کی جاتی،یہ تردید امریکن جیوش کانگریس (AJC) کے ان دعوؤں کے بعد سامنے آئی ہے جن میں کہا گیا تھا کہ اسلام آباد نے قرارداد کے متن سے "انتہائی سخت دفعات" کو ہٹانے میں مدد کی ہے۔رواں ماہ کے اوائل میں، اقوام متحدہ کی انسانی حقوق کونسل (UNHRC) نے اسلامی تعاون تنظیم (OIC) کی جانب سے پاکستان کی پیش کردہ ایک تاریخی قرارداد منظور کی تھی، جس میں غزہ میں بڑھتے ہوئے انسانی بحران کے درمیان مقبوضہ فلسطینی علاقوں میں اسرائیل کے احتساب اور فلسطینیوں کے لئے انصاف کا مطالبہ کیا گیا تھا۔منگل کو جاری ایک سخت جواب میں، پاکستان کی وزارت خارجہ نے اپنے ترجمان کے دفتر کے ذریعے ان دعوؤں کو "غلط میڈیا رپورٹس پر مبنی" قرار دے کر مسترد کر دیا اور کہا کہ یہ "قرارداد کی منظوری کے عمل کی غلط فہمی اور اس کے نتائج کی غلط تشریح کی عکاسی کرتے ہیں۔"وزارت خارجہ نے وضاحت کی، "زیر بحث قرارداد جنیوا میں OIC گروپ کی ایک سالانہ مشترکہ پہل ہے، جو مقبوضہ فلسطینی علاقوں میں اسرائیل کے اقدامات کے احتساب پر مرکوز ہے،"انہوں نے مزید کہا کہ یہ صرف "فلسطینی وفد کی جانب سے مکمل مذاکرات کے بعد متن پر اطمینان کا اظہار کرنے اور پورے OIC گروپ کی حتمی توثیق کے بعد" پیش کی جاتی ہے۔بیان میں زور دیا گیا، "کسی بھی مرحلے پر متن میں یکطرفہ طور پر ترمیم نہیں کی۔
