فرمان الہی
نماز کے اوقات
اسلام آ باد ( نیوز رپورٹر)وزیراعظم شہباز شریف نے اسلام آ باد میں پولیو مہم کی افتتاحی تقریب سے خطاب کرتے ہوئے ملک سے پولیو کے مکمل خاتمے کے عزم کااظہار کیا ہے اور کہا ہے کہ مربوط حکمت عملی ا ور مشترکہ کاوشوں سے پولیو کاخاتمہ ممکن ہےعوام 5 سال سے کم عمر بچوں کو پولیو کے قطرے ضرور پلوائیں جبکہ وفاقی وزیر برائے نیشنل فوڈ سیکورٹی اینڈ ر یسرچ رانا تنویر حسین ۔وزیر پیٹرولیم و قدرتی و سائل علی پر ویز ملک اور وفاقی وزیر بر ائے دفاعی پیداوار رضا حیات ہراج نے گزشتہ روز لاہور میں وزیر اعظم شہباز شریف سے الگ الگ ملاقاتیں کیں جس میں وزرا نے اپنی اپنی وزارت کے امور اور ملک کی سیا سی صورتحال پر تبادلہ خیال کیا۔ وزیراعظم نے کہا کہ پولیو جیسا موذی مرض صرف بچوں کیلئے ہی نہیں بلکہ پورے معاشرے کے لیے خطرے کا باعث ہے ، اس کا خاتمہ صرف حکومتی کوششوں سے ممکن نہیں معاشرے کے تمام طبقات کو اپنا کردار ادا کرنا ہو گا ، حکومت پاکستان پولیو کے مکمل خاتمے تک چین سے نہیں بیٹھے گی اور ہر قیمت پر بچوں کے روشن اور محفوظ مستقبل کو یقینی بنایا جائے گا، قبل ازیں وزیراعظم نے بچوں کو انسداد پولیو کے قطرے پلا کر سات روزہ قومی پولیو مہم کا باقاعدہ افتتاح کیا، یہ مہم 21 اپریل سے 27اپریل تک ملک بھر میں جاری رہے گی۔وزیر اعظم نے وفاقی وزیر صحت سید مصطفی کمال اورفوکل پرسن برائے انسداد پولیو عائشہ رضا سمیت پولیو مہم کی پوری ٹیم کا شکریہ ادا کیا۔ وزیراعظم نے کہا کہ پولیو جیسا موذی مرض صرف بچوں کے لیے ہی نہیں بلکہ پورے معاشرے کے لیے خطرے کا باعث ہے اور اس کا خاتمہ صرف حکومتی کوششوں سے ممکن نہیں بلکہ والدین، اساتذہ، علمائے کرام، میڈیا، سول سوسائٹی اور ہر شہری کو اپنا بھرپور کردار ادا کرنا ہوگا۔انہوں نے کہا کہ حکومت پولیو کے خاتمے کے لیے ایک جامع اور مربوط حکمت عملی پر عمل پیرا ہے جس کے تحت نہ صرف گھر گھر جا کر بچوں کو پولیو سے بچا ئو کے قطرے پلائے جا رہے ہیں بلکہ پولیو ورکرز کی حفاظت کے لیے بھی خصوصی سکیورٹی کے انتظامات کیے گئے ہیں تاکہ وہ بلا خوف و خطر اپنی قومی ذمہ داریاں انجام دے سکیں، انہوں نے انسداد پولیو کے لیے خدمات انجام دینے والے تمام فیلڈ ورکرز، رضاکاروں اور محکمہ صحت کے عملے کو خراج تحسین پیش کیا جن کی شبانہ روز محنت کی بدولت پاکستان میں پولیو کے کیسز میں نمایاں کمی ہوئی ۔انہوں نے عالمی ادارہ صحت (ڈبلیو ایچ او) بل اینڈ میلنڈا گیٹس فا ئونڈیشن، یونیسف و دیگر بین الاقوامی شراکت داروں کا شکریہ ادا کیا جنہوں نے پاکستان میں پولیو کے خاتمے کیلئے مسلسل تعاون فراہم کیا اور ہر مشکل گھڑی میں حکومت پاکستان کے شانہ بشانہ کھڑے رہے۔
