• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وزیراعظم کا لاہور تا باکو پی آئی اے کی براہ راست پروازوں پر اظہار مسرت

آج کا اخبار
اہم خبریں
21 اپریل ، 2025
اسلام آباد(نمائندہ جنگ) وزیراعظم محمد شہباز شریف نے پی آئی اے کی لاہور تا باکو براہ راست پروازوں کے آغاز پر اظہار مسرت کیا ہے۔ وزیر اعظم نے اپنے بیان میں کہا ہے کہ باکو اور لاہور کے درمیان پی آئی اے کی براہ راست پروازوں کے آغاز سے شعبہ سیاحت کو فروغ دیا جا سکے گا۔ لاہور تا باکو براہ راست پروازوں کی طرز پر دیگر دوست ممالک کے ساتھ پی آئی اے کی ڈائیریکٹ پروازیں جلد شروع کی جائیں گی۔ یہ سفارتی سطح پر پاکستان کے لیے ایک بڑی کامیابی ہے، وزیراعظم آذربائجان اس خطے میں پاکستان کے بہترین دوستوں میں سے ایک ہے۔ وزیراعظم نے کہا کہ سیاحت سمیت دیگر شعبوں میں آذربائجان کے ساتھ اشتراک کیلئے کوشاں ہیں۔
اہم خبریں سے مزید