فرمان الہی
نماز کے اوقات
کراچی (اسٹاف رپورٹر) پاکستان خواتین کرکٹ ٹیم کی سابق کپتان ندا ڈار نے کر کٹ سے وقتی کنارہ کشی کا فیصلہ کیا ہے، انہوں نےسوشل میڈیا پر کہا ہے کہ کچھ عرصے سے پروفیشنلاور مینٹل ہیلتھ متاثر ہوئی ہے، جس کی وجہ سے کرکٹ سے بریک لے رہی ہوں تاکہ اپنے اوپر فوکس کرسکوں۔ برائے مہربانی میری نجی زندگی کا خیال رکھا جائے۔ ذرائع کا کہنا ہے کہ ندا ڈار پی سی بی خواتین ڈیپارٹمنٹ کے رویے سے ناخوش ہیں۔ واضح رہے کہ سابق کپتان ندا ڈار کو آئی سی سی خواتین کرکٹ ورلڈ کپ کوالیفائر کے لیے کیمپ میں بلایا گیا تھا لیکن فٹنس کی بنیاد پر ٹیم میں شامل نہیں کیا گیا تھا۔ فیصل آباد میں لگائے جانے والے کیمپ میں ندا ڈار شامل ہی نہیں تھیں۔
