فرمان الہی
نماز کے اوقات
کراچی(اسٹاف رپورٹر)متحدہ قومی موومنٹ پاکستان کے اراکینِ سندھ اسمبلی نے شہر کراچی میں مصنوعی قلت آب پر شدید تشویش اور تحفظات کا اظہار کرتے ہوئے کہا کہ شہر کو پانی پہنچانے والی لائنوں میں آئے دن ٹوٹ پھوٹ اور رساؤ جس کی مرّمت میں کئی روز کی تاخیر صوبائی حکومت نام نہاد شہری حکومت اور واٹر کارپوریشن کی ملی بھگت میں من پسند مافیا کو نوازنے کی سازش معلوم ہوتی ہے، ملکی اور صوبائی خزانے میں کھربوں کا محصول جمع کر انے والے شہری پانی کی بوند بوند کو ترس رہے ہیں مگر متعلقہ حکام کے کانوں پر جوں تک نہیں رینگ رہی ہے عوام تمام بُنیادی سہولیات پر محصول دینے کے باوجود اپنی ضروریات خریدنے پر مجبور ہے جس سے شہری آبادی کے ساتھ تعصب برتے جانے کا قوی گمان ہوتا ہے معاشی شہ رگ کے ساتھ یہ سلوکِ ناروا سمجھ سے بالاتر ہے، ا سندھ و نام نہاد شہری حکومت تاخیری حربوں کا استعمال ترک کرکے فی الفور شہر میں بلاتعطل فراہمی آب اور من پسند مافیا کو لگام ڈال کر اُن کے سدِباب کو یقینی بنائے۔
