فرمان الہی
نماز کے اوقات
اسلام آباد(نیو ز ر پو رٹر)وزیراعظم محمدشہباز شریف نے کہا ہے کہ پاکستان میں مختلف شعبوں میں سرمایہ کاری کے پرکشش مواقع موجود ہیں۔انہوں نے یہ بات گزشتہ روز عالمی فائنانس کمپنی ورلڈ لبرٹی فنانشل کےشریک چیئرمین زیک ویٹکوف کی سربراہی میں وفد سے ملاقات کے دوران کہی ۔ وزیر اعظم نے کہا کہ پاکستان بین الاقوامی سطح پر تیزی سے کرپٹوکرنسی کو اپنانے والی معیشتوں میں سے ایک ہے۔ پاکستان کے باصلاحیت نوجوان ملک میں کرپٹوکرنسی کے فروغ میں اہم کردار ادا کر سکتے ہیں۔ وزیراعظم نے کہا کہ ملک میں کرپٹوکرنسی جیسے معاشی لین دین کے متبادل طریقوں کی ترویج کے لیے قواعد و ضوابط کی تشکیل پر کام تیزی سے جاری ہے۔ وفد نے پاکستان میں کرپٹوکرنسی کے شعبے کی ترویج کے لیے سرمایہ کاری میں دلچسپی کا اظہار کیا۔ شریک چیئرمین زیک ویٹکوف نے کہا کہ پاکستان میں قدرتی وسائل میں کے حوالے سے عالمی سرمایہ کاروں کے لیے انتہائی پرکشش مواقع موجود ہیں۔
