• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

67ہزار عازمین کوویزے جاری نہ ہونا قابل افسوس ہے، ثمینہ سعید

میرا شہر
پشاور
29 اپریل ، 2025
پشاور (وقائع نگار ) حلقہ خواتین جماعت اسلامی پاکستان کی ڈپٹی سیکرٹری اور ڈائریکٹر میڈیا سیل ثمینہ سعید نے کہا ہے کہ 67 ہزار عازمین کو سعودی حکومت کی جانب سے ویزے جاری نہ ہونا قابل افسوس اور قابل تشویش ہے ۔ پرائیویٹ کمپنیز کی شفاف جانچ پڑتال ہونی چاہیے۔جن لوگوں نے پرائیویٹ حج سکیم کے تحت درخواستیں دے رکھی تھیں ، ان کو ویزے جاری کروانا اور حج بیت اللہ کی سعادت دلوانا حکومتی ذمہ داری ہے ۔ جو لوگ پائی پائی جوڑ کر حج کے اخراجات جمع کرتے ہیں ان کے لیے یہ صورتحال انتہائی مایوس کن اور اذیت ناک ہے۔ ثمینہ سعید نے حکومت سے اپیل کی کہ پرائیویٹ عازمین حج کے ویزے کے معاملات سعودی حکومت سے بات چیت کے ذریعے حل کروائیں ۔ حکومت ،سربراہ ریاست کی حثیت سے عوام کے بنیادی حقوق و مسائل کے حل کی ذمہ دار ہے لہذا ان ہزاروں عازمین حج کی داد رسی کی جائے اور ان سے ہونے والی زیادتی کا ازالہ کیا جائے ۔
پشاور سے مزید