• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستانی اداکاروں کے سوشل میڈیا اکاؤنٹس بھارت میں بلاک

آج کا اخبار
اہم خبریں
01 مئی ، 2025
کراچی(رفیق مانگٹ)بھارت نے متعدد پاکستانی اداکاروں کے سوشل میڈیا اکاؤنٹس کو بلاک کر دیا ہے، جن میں ہانیہ عامر، ماہرہ خان، علی ظفر، سجل علی، عائزہ خان، صنم سعید، مایا علی، اور اقرا عزیز شامل ہیں۔ یہ اقدام پہلگام میں ہونے والے حالیہ دہشت گرد حملے کے بعد اٹھایا گیا، جسے بھارتی حکام نے قومی سلامتی کے اقدامات سے جوڑا ہے۔ پاکستانی اداکاروں کے سوشل میڈیا اکاؤنٹس کو بلاک کرنے کا فیصلہ اسی تناظر میں کیا گیا۔ بھارتی صارفین کو ان اکاؤنٹس تک رسائی کی کوشش پر پیغام موصول ہو رہا ہے کہ یہ اکاؤنٹ بھارت میں دستیاب نہیں ہے کیونکہ ہم نے قانونی درخواست کے مطابق اس مواد کو محدود کر دیا ہے۔پہلگام حملے کے بعد، ہانیہ عامر، ماہرہ خان، فواد خان، اور دیگر پاکستانی فنکاروں نے اس کی مذمت کی تھی۔ ہانیہ عامر نے اپنی اسٹوری پر لکھا تھا، کسی بھی جگہ کی تباہی ہم سب کے لیے تباہی ہے۔ میرا دل اس واقعے سے متاثر ہونے والی معصوم جانوں کے ساتھ ہے۔اسی طرح، ماہرہ خان نے حملے کو بزدلانہ فعل قرار دیتے ہوئے متاثرین کے اہلخانہ سے تعزیت کی تھی۔ تاہم، ماہرہ خان کے اس پوسٹ کو بعد میں ہٹانے پر بھارتی سوشل میڈیا صارفین نے تنقید کی۔ صارفین نے اسے غیر ضروری اقدام قرار دیا اور کہا کہ فنکاروں کو سیاسی تنازعات سے الگ رکھنا چاہیے۔پہلگام حملے کے بعد، فیڈریشن آف ویسٹرن انڈیا سین ای ایمپلائیز (FWICE) نے پاکستانی فنکاروں، گلوکاروں، اور ٹیکنیشنز پر بھارتی فلموں اور تفریحی منصوبوں میں مکمل پابندی عائد کر دی۔ اس کے نتیجے میں، فواد خان کی فلم "عبیر گلال" کو بھارت میں ریلیز سے روک دیا گیا، جبکہ ہانیہ عامر کو دلیپ دوسنجھ کے ساتھ فلم "سردار جی 3" سے ہٹا دیا گیا۔
اہم خبریں سے مزید