فرمان الہی
نماز کے اوقات
کراچی (اسٹاف رپورٹر) ملتان سلطانز کے کپتان محمد رضوان نے کہا ہے کہ کرکٹ میں سیاست نہیں ہونی چاہئے مجھے نہیں پتہ پاکستان بھارت کا کیا ہو رہا ہے میں سوشل میڈیا نہیں دیکھتا ہم جب ویرات کوہلی اور جوروٹ سے ملتے ہیں تو ہم کرکٹ فیملی کی طرح ملتے ہیں۔ سپر لیگ سے باہر ہونے سے متعلق انہوں نے کہا کہ ہم نے فیلڈنگ میں مومینٹم نہیں پکڑا میں یہ کہوں کہ مجھ پر پریشر نہیں تو یہ جھوٹ ہے، پاکستان ٹیم کا دباؤ ہے، میں کپتان ہوں، لوگ دیکھ رہے ہیں اور اس کا دباؤ ہے۔ ہم ٹورنامنٹ سے باہر ہو چکے ہیں ۔ ہم اس کے حقدار تھے، ہم سےغلطیاں تو ہوئی ہیں ۔ انہوں نے کہا کہ ہمیں اپنی غلطیوں کو دور کرنا چاہیے۔ کوئی برا مانے تو مانے کہا جاتا ہے ہمیں ماڈرن ڈے کرکٹ کھیلنا چاہئے لیکن کنڈیشنز کا کیا کریں، ہمارے ہاں کبھی ٹی ٹوئنٹی کرکٹ میں بھی ٹیسٹ والی باتیں کرنا پڑتی ہیں۔ ٹی ٹوئنٹی ورلڈکپ میں کیا ہوا، 120 اسکور مشکل ہو رہا تھا ، ہمیں یہ دیکھنا پڑتا ہے کہ کنڈیشنز کیا ڈیمانڈ کر رہی ہیں ۔ کنڈیشنز کے مطابق ٹیم کا انتخاب کیا جاتا ہے ۔ سب ٹیموں نے اسپنرز کا انتخاب کیا ہے، پاکستان میں ان دنوں گیند اسپن ہوتا ہے لیکن اس مرتبہ ایسا نہیں ہوا۔
