• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

لندن میں عالمی سرمایہ کاروں کو راغب کرنے کیلئے پاکستان کی نئی کوششیں

آج کا اخبار
اہم خبریں
07 مئی ، 2025
اسلام آباد( اسرار خان ) پاکستان نے غیر ملکی سرمایہ کاری کو فروغ دینے کے لیے ایک نئی مہم کا آغاز کیا ہے، جس کے تحت وزیر خزانہ سینیٹر محمد اورنگزیب اور وزیراعظم کے مشیر برائے نجکاری محمد علی کی قیادت میں ایک اعلیٰ سطحی وفد لندن پہنچا ہے۔ اس دورے کا مقصد ملک کے وسیع تر اقتصادی اصلاحاتی ایجنڈے کے تحت سرمایہ کاری کے مواقع کو اجاگر کرنا اور عالمی سرمایہ کاروں کا اعتماد بحال کرنا ہے۔یہ تین روزہ دورہ 6 مئی 2025 کو شروع ہوا، جس میں وفد نے برطانیہ کے اعلیٰ حکام، مالیاتی اداروں، سرمایہ کاری بینکوں اور کاروباری شخصیات سے ملاقاتیں کیں۔ ان ملاقاتوں کا مقصد پاکستان کے نجکاری پروگرام کو فروغ دینا اور اصلاحات پر مبنی اقتصادی بحالی کے لیے اسٹریٹجک سرمایہ کاری حاصل کرنا ہے۔دورے کا اہم ترین موقع 8 مئی کو "پاکستان انویسٹرز ڈے" ہے، جو امریکی سرمایہ کاری بینک جفریز کے زیر اہتمام منعقد ہو رہا ہے۔
اہم خبریں سے مزید