فرمان الہی
نماز کے اوقات
کراچی (اسٹاف رپورٹر)انسداد دہشت گردی عدالت/ جوڈیشل کمپلیکس نے لیاری گینگ وار کے سرغنہ عزیر بلوچ و دیگر کے خلاف ارشد پپو قتل کیس میں آئندہ سماعت پر گواہوں کو طلب کرلیا۔تفتیشی افسر یامین گجر عدالت سے غیر حاضررہا۔ تفتیشی افسر کی جانب سے گواہوں کو بھی پیش نہیں کیا جاسکا۔عدالت نے آئندہ سماعت پر گواہوں کو طلب کرلیا۔عدالت نے عزیر بلوچ، زبیر بلوچ ، اکرم بلوچ اور ذاکر بلوچ کی بریت کی درخواستوں پر دلائل طلب کرلئے ۔ عدالت نے کیس کی سماعت 22 مئی تک ملتوی کردی۔پولیس کے مطابق ارشد پپو سمیت 3افراد کو لیاری گینگ وار کے ملزموں کی جانب سے بے رحمی سے قتل کیا گیا تھا ، مقدمہ میں گینگ وار کے سرغنہ عزیر بلوچ اور اس کے بھائی زبیر بلوچ گرفتار ہیں۔
