فرمان الہی
نماز کے اوقات
کراچی ( اسٹاف رپورٹر) وزیراعلیٰ سندھ سید مراد علی شاہ نے تمام پاکستانیوں، سول، فوجی، انجینئرز اور شہریوں سے اپیل کی کہ وہ ملک کی عظمت، خودمختاری اور ترقی کے تحفظ کیلئے یکجا ہوں، انجینئرز کا کردار ملک کے مستقبل کے معمار کے طور پر نہایت اہم ہے۔ان خیالات کا اظہار انہوں نے پاکستان کی مسلح افواج کی بہادری، قربانیوں اور شاندار کامیابیوں کی یاد میںانسٹیٹیوشن آف انجینئرز پاکستان (IEP) کے زیر اہتمام منعقدہ تقریب سے خطاب کرتے ہوئے کیا ۔ انہوں نے کہا کہ فوج کی بے مثال ہمت اور استقامت پر اظہار فخر اور شکریہ ادا کیا۔ انہوں نے فوج کے کثیر الجہتی کردار کو اجاگر کرتے ہوئے کہا کہ پاک افواج صرف سرحدوں کی محافظ نہیں بلکہ قدرتی آفات سے نمٹنے اور عالمی امن کے قیام میں بھی اہم کردار ادا کرتی ہے۔ وزیراعلیٰ سندھ نے کہا کہ یہ جشن صرف فوجی کامیابی کا اعتراف نہیں ہے بلکہ یہ پاکستان کے ناقابل شکست جذبے کی روح ہے۔ ایسی روح جو چیلنجز کا سامنا کرتے ہوئے بھی ڈھلتی نہیں بلکہ ہر آزمائش کے بعد امید، فخر اور عزم کے ساتھ مضبوط رہتی ہے۔ انہوں نے اس بات پر زور دیا کہ انجینئرز کا کردار ملک کے مستقبل کے معمار کے طور پر نہایت اہم ہے اور یہ کہ ان افراد کے درمیان تعاون جو تعمیر کرتے ہیں اور جو دفاع کرتے ہیں، قوم اتحاد کی علامت ہے۔
