• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پشاور، چوری وارداتوں میں اضافہ

میرا شہر
پشاور
22 مئی ، 2025
پشاور(کرائمرپورٹر)پشاور میں غربت اور بے روزگار کی وجہ سے چوری کی وارداتوں میں بے تحاشا اضافہ ہوگیا اور کئی علاقوں میں شہریوں کو چوری کی وارداتوں کے دوران نقدی، موبائل اور موٹر سائیکلوں سے محروم کردیاگیا ہے ۔ تھانہ میرجانی شاہ پولیس کومدعی عابد نے بتایاکہ زرگر آباد میں گھر کے سامنے موٹر سائیکل کھڑی کر کے اندر چلا گیا،واپس آکر دیکھا توموٹر سائیکل غائب تھی جونامعلوم چور لے گیا۔تھانہ چمکنی پولیس کو عتیق الرحمان نے رپورٹ کی کہ اس نے مسکین آبادمیں اپنی موٹر سائیکل کھڑی کی تھی جو کہ نامعلوم ملزم/ملزمان لے گئے ۔اسی طرح تھانہ فقیرآباد پولیس کو میر علی مہدی نے بتایاکہ حسن گڑھی زونگ ٹاور سے نامعلوم افراد 4 بیٹریاں چوری کر کے لے گئے ہیں جبکہ تھانہ خزانہ پولیس کویونس خان نے ر پورٹ کی کہ صفدر قلعہ چوک سے نامعلوم افرادنے میری موٹر سائیکل چوری کرلی ۔پولیس کے مطابق ملزمان کی شناخت حبیب الرحمان اور امین اللہ سے ہوئی ہے جنہیں گرفتار کرلیاگیا ۔تھانہ ریگی پولیس کو مدعی محسن نے بتایاکہ وہ مال مویشی منڈی واقع لکرائی قبرستان میں تربوز فروخت کررہا تھاجہاں دونامعلوم افراد میرے ساتھ کھڑے ہوکر جیب سے 8700روپے نکال کر رفوچکر ہوگئے ۔اسی طرح تھانہ غربی پولیس نے قدرت خان کی رپورٹ پر بی آرٹی صدرمیں ملزم حارث کو گرفتار کرلیا، ملزم پرالزام ہے کہ اس نے مدعی کی جیب سے موبائل فون چوری کیا جسے سیکورٹی گارڈ نے قابو کرلیا۔ تلاشی لینے پر اس سے موبائل فون اور رقم برآمدکی گئی۔ پولیس نے ان واقعات کی دفعہ380،381-Aاور379کے تحت مقدمات درج کرکے مزید تفتیش شروع کردی ہے ۔
پشاور سے مزید