فرمان الہی
نماز کے اوقات
واشنگٹن ( جنگ نیوز)امریکی وزیر خارجہ مارکو روبیو نے اعلان کیا ہے کہ امریکہ چینی طلبا کے ویزے جارحانہ شدت سے منسوخ کرنا شروع کرے گا۔ خاص طور پر ان طلبا کے جو چینی کمیونسٹ پارٹی سے تعلق رکھتے ہیں یا اہم سائنسی و ٹیکنالوجی شعبوں میں تعلیم حاصل کر رہے ہیں۔ اس اقدام کا مقصد قومی سلامتی کے خدشات کو دور کرنا ہے۔چین نے فیصلے کی مذمت کی اور اپنے طلبا کا دفاع کرنے کا اعلان کیا۔ ایک بیان میں روبیو نے کہا کہ اسٹیٹ ڈپارٹمنٹ چین اور ہانگ کانگ سے آنے والی تمام مستقبل کی ویزا درخواستوں پر بھی سخت جانچ پڑتال کرے گا۔ امریکی اسٹیٹ ڈپارٹمنٹ ہوم لینڈ سیکورٹی ڈیپارٹمنٹ کے ساتھ مل کر چینی طلبا کے ویزے شدید طریقے سے منسوخ کرے گا۔ اس اقدام کا مقصد قومی سلامتی کے خدشات کو دور کرنا ہے لیکن یہ امریکی تعلیمی اداروں کی آمدنی اور ٹیکنالوجی کمپنیوں کے ہنر مند افرادی قوت پر منفی اثر ڈال سکتا ہے۔
