• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی میں بدترین لوڈشیڈنگ‘ شدید گرمی‘ شہری بلبلا اٹھے

آج کا اخبار
اہم خبریں
02 جون ، 2025
کراچی(اعظم علی /نمائندہ خصوصی ) شدید گرمی میں کراچی کے کئی علاقوں میں 48 گھنٹوں سے بجلی بندجبکہ لانڈھی ،کورنگی، شاہ فیصل کالونی ، ملیر ، لیاری ، عثمان آبا د، غازی نگر، حسن لشکری ولیج سمیت کئی علاقوں میں بجلی کی 18 گھنٹوں تک کی غیراعلانیہ لوڈ شیڈنگ کی وجہ سے عوام بلبلا اٹھے ‘ممکنہ احتجاج کے پیش نظر امن وامان کا مسئلہ پیدا ہونے کا خدشہ پیداہوگیا‘کے الیکٹرک کا معلومات فراہم کرنے والا نظام صارفین کو غلط معلومات فراہم کرنے لگا جس کی وجہ سے صارفین میں شدید اشتعال پایا جاتا ہے، ڈیفنس سے ملحقہ گزری کے علاقے میں کئی اپارٹمنٹ عمارتوں میں بجلی کی عدم موجودگی کی وجہ سے پانی کی شدید قلت پائی جا رہی ہے۔ یہاں یہ بات قابل ذکر ہے کہ حکمراں جماعت کے عوامی نمائندے بھی بجلی کے تعطل پر خاموش ہیں‘ اس ضمن میں کے الیکٹر ک کےافسران بجلی کے صارفین کو ہونے والی پریشانی سے بے نیاز ہیں، اس کے علاہ کاروباری علاقوں میں دکاندار جنریٹرز چلانے پر مجبورہیں۔ شہریوں نے بتایا ہے کہ کے الیکٹرک کی نااہلیت کی وجہ سے کراچی میں امن وامان خراب ہونے کا خطرہ ہے۔
اہم خبریں سے مزید